Офіс Зяленскага: Спачатку спыненне агню на 30 дзён, потым усё астатняе
Кіраўнік Офіса прэзідэнта Украіны Андрэй Ярмак выказаўся наконт прапановы Пуціна.
Андрэй Ярмак. Фота: Украінфарм
Андрэй Ярмак заявіў, што для пачатку перамоваў з Расіяй неабходна 30-дзённае спыненне агню.
Так ён пракаментаваў прапанову Уладзіміра Пуціна аднавіць перамовы ў Стамбуле 15 траўня.
«Спачатку спыненне агню на 30 дзён — потым усё астатняе. Расія не павінна маскіраваць пад словазлучэнні жаданне працягваць вайну.
Спыненне агню — гэта першы крок да заканчэння вайны, і ён пацвердзіць гатоўнасць Расіі спыніць забойствы», — напісаў Ярмак у тэлеграм-канале.
Раней Уладзімір Зяленскі выказаўся ў падобным ключы: ён назваў прапанову Пуціна «добрым знакам», але заклікаў да неадкладнага спынення агню.
Чытайце таксама:
Зяленскі адказаў на прапанову Пуціна аб перамовах
Макрон аб прапанове Пуціна: Ён шукае выхад, але хоча выгадаць час
Пуцін прапанаваў Украіне аднавіць мірныя перамовы ў Стамбуле 15 мая