Пад Варшавай затрымалі беларуса, які трымаў вялікую партыю выбухоўкі
Супрацоўнікі контртэрарыстычнага аддзела польскай паліцыі выявілі ў Вялішаве пад Варшавай буйную партыю выбуховых рэчываў. Жыхароў жылога комплексу Royal эвакуявалі, затрымаўшы грамадзяніна Беларусі, піша Most.
Здымак ілюстрацыйны. Фота: сbsp.policja.pl
Спецаперацыя ў адной з кватэр жылога комплексу пачалася каля 10 раніцы. Там выявілі буйную партыю выбухоўкі. На месцы працавалі піратэхнікі, следча-аператыўная група і крыміналісты.
Для гарантавання грамадскай бяспекі паліцыя прыняла рашэнне аб эвакуацыі мясцовых жыхароў. Пасля заканчэння аперацыі ім дазволілі вярнуцца ў свае дамы.
Выбуховыя рэчывы канфіскаваныя, следчыя правялі ператрус яшчэ адной кватэры на тэрыторыі Вялішава.
Чытайце таксама:
Расія выкарыстоўвала для дыверсій у Еўропе сэкс-цацкі
«Ганебны акт дыверсіі». Польшча зачыняе консульства Расіі ў Кракаве з-за падпалу гандлёвага цэнтра