У Беларусі стварылі экалагічныя аднаразовыя кубачкі
Беларускія навукоўцы распрацавалі новы від экалагічнай аднаразовай упакоўкі — папяровыя кубачкі, пакрытыя біяраскладальнай плёнкай з палілактыду (матэрыял на аснове малочнай кіслаты з расліннай сыравіны). У адрозненне ад звычайных кубачкаў, дзе выкарыстоўваецца поліэтылен, новы матэрыял не шкодзіць навакольнаму асяроддзю, бо цалкам раскладаецца і не ўтварае мікрапластык, піша БелТА.
Здымак ілюстрацыйны. Фота: freepik.com
Распрацоўка стала магчымай дзякуючы супрацоўніцтву Інстытута хіміі новых матэрыялаў НАНБ, Інстытута мікрабіялогіі і БДУ.
Замест дарагога чыстага палілактыду яны вырашылі выкарыстоўваць таннейшы варыянт: звычайную паперу з вельмі тонкім пакрыццём палілактыду. Гэта дазваляе захаваць вільгаценепранікальнасць, трываласць і магчымасць тэрмаспайкі, як у поліэтылену, але без яго шкоднага ўздзеяння.
Цяпер першая партыя такой упакоўкі праходзіць праверку бяспекі. У будучыні плануюць выкарыстоўваць матэрыял не толькі для кубачкаў, але і для іншых відаў упакоўкі.
Чытайце таксама:
Які прыгожы трэнд: людзі ператвараюць свае газоны ў някошаныя лугі
Шалупінне ад чырвонай цыбулі стала абаронным слоем для сонечных батарэй
Матэрыял для лепшага захавання энергіі знайшлі ў нечаканым месцы
Як барацьба за экалогію і санкцыі прывялі еўрапейскі аўтапрам да крызісу