Гродзенскія лекары выратавалі вуха хлопчыка з анамаліяй
За дзве аперацыі вуха зрабілі такім, каб яно задавальняла хлопчыка і яго бацькоў, піша прэс-служба Гродзенскай універсітэцкай клінікі.
Каманда медыкаў Гродзенскай універсітэцкай клінікі. Фота: Clinic_52 / Telegram
У маленькага пацыента была прыроджаная анамалія развіцця – іншая форма вуха. Як адзначаюць медыкі, такая дэфармацыя можа рабіць сацыялізацыю дзіцёнка больш складанай.
Вуха пацыента. Фота: Clinic_52 / Telegram
У красавіку каманда з медыкаў Гродзенскай універсітэцкай клінікі правяла дзве аперацыі. Спачатку яны забралі рэберны храсток, а потым спраектавалі вушную ракавіну і сфармавалі завушную складку.
Для рэканструкцыі комплекснай формы пры аўталагічнай рэканструкцыі стваралі храстковы каркас з уласнага рэбернага храстка.
І бацькі, і хлопчык, як піша прэс-служба, засталіся задаволеныя працай лекараў.