Hrodzienskija lekary vyratavali vucha chłopčyka z anamalijaj
Za dźvie apieracyi vucha zrabili takim, kab jano zadavalniała chłopčyka i jaho baćkoŭ, piša pres-słužba Hrodzienskaj univiersiteckaj kliniki.
Kamanda miedykaŭ Hrodzienskaj univiersiteckaj kliniki. Fota: Clinic_52 / Telegram
U maleńkaha pacyjenta była pryrodžanaja anamalija raźvićcia – inšaja forma vucha. Jak adznačajuć miedyki, takaja defarmacyja moža rabić sacyjalizacyju dzicionka bolš składanaj.
Vucha pacyjenta. Fota: Clinic_52 / Telegram
U krasaviku kamanda ź miedykaŭ Hrodzienskaj univiersiteckaj kliniki praviała dźvie apieracyi. Spačatku jany zabrali rebierny chrastok, a potym sprajektavali vušnuju rakavinu i sfarmavali zavušnuju składku.
Dla rekanstrukcyi kompleksnaj formy pry aŭtałahičnaj rekanstrukcyi stvarali chrastkovy karkas z ułasnaha rebiernaha chrastka.
I baćki, i chłopčyk, jak piša pres-słužba, zastalisia zadavolenyja pracaj lekaraŭ.