У сэрвіс таксі ад кампаніі A1 дадалі беларускую мову
З 1 мая на беларускім рынку таксі з'явіўся новы гулец — свой сэрвіс запусціла кампанія А1. Навіна сама па сабе добрая, аднак некаторыя беларусы заўважылі ў ёй і лыжку дзёгцю — у сэрвісе новага таксі былі якія заўгодна мовы, апрача беларускай.
Фота: кампанія А1
«Нарэшце пабачыў свет новы сэрвіс таксі ад А1. І там ёсць выбар моў! Хочаце ведаць, якія мовы там ёсць замест беларускай? Абхазская, азербайджанская, англійская, арабская, армянская, баснійская, грузінская, іспанская, казахская, кітайская, кыргызская, латышская, літоўская…», — з'едліва пісаў 1 мая ў сацсетцы X карыстальнік Spravavy Čalaviek.
Але ў выніку ці то крытыка была не адзінкавая і дайшла да кіраўніцтва кампаніі, ці то яно схамянулася само, але ў новым пасце той жа карыстальнік паведаміў — беларуская мова ў сэрвісе A1 ужо таксама ёсць.
Чытайце таксама:
Кампанія А1 запусціла сваё таксі. Дзе цяпер танней?
«Ніколі не чуў слова «куліч» у жывой народнай мове». Як называць па-беларуску велікодную выпечку?
Як паўставала кампанія «Будзьма беларусамі!», якая трапіла ў крытычную сітуацыю