U servis taksi ad kampanii A1 dadali biełaruskuju movu
Z 1 maja na biełaruskim rynku taksi źjaviŭsia novy hulec — svoj servis zapuściła kampanija A1. Navina sama pa sabie dobraja, adnak niekatoryja biełarusy zaŭvažyli ŭ joj i łyžku dziohciu — u servisie novaha taksi byli jakija zaŭhodna movy, aprača biełaruskaj.
Fota: kampanija A1
«Narešcie pabačyŭ śviet novy servis taksi ad A1. I tam jość vybar moŭ! Chočacie viedać, jakija movy tam jość zamiest biełaruskaj? Abchazskaja, azierbajdžanskaja, anhlijskaja, arabskaja, armianskaja, baśnijskaja, hruzinskaja, ispanskaja, kazachskaja, kitajskaja, kyrhyzskaja, łatyšskaja, litoŭskaja…», — źjedliva pisaŭ 1 maja ŭ sacsietcy X karystalnik Spravavy Čalaviek.
Ale ŭ vyniku ci to krytyka była nie adzinkavaja i dajšła da kiraŭnictva kampanii, ci to jano schamianułasia samo, ale ŭ novym paście toj ža karystalnik paviedamiŭ — biełaruskaja mova ŭ servisie A1 užo taksama jość.
Čytajcie taksama:
Kampanija A1 zapuściła svajo taksi. Dzie ciapier tańniej?
Jak paŭstavała kampanija «Budźma biełarusami!», jakaja trapiła ŭ krytyčnuju situacyju