Падчас начной атакі Украіна страціла F-16
16 мая каля 03:30 была страчана сувязь з самалётам F-16. Украінскі знішчальнік выконваў задачу па адбіцці паветранай атакі расіян, паведамляе УНІАН.
Фота Zelenskiy Official
Лётчык знішчыў тры паветраныя цэлі і працаваў па чацвёртай, выкарыстоўваючы авіяцыйную гармату. Аднак на борце ўзнікла няштатная сітуацыя. Пілот адвёў самалёт далей ад населенага пункта і паспяхова катапультаваўся.
Дзякуючы аператыўнай працы групы пошукава-выратавальнага забеспячэння, пілота хутка знайшлі і эвакуявалі.
Самаадчуванне лётчыка здавальняючае, яго жыццю і здароўю нічога не пагражае.