Padčas načnoj ataki Ukraina straciła F-16
16 maja kala 03:30 była stračana suviaź z samalotam F-16. Ukrainski źniščalnik vykonvaŭ zadaču pa adbićci pavietranaj ataki rasijan, paviedamlaje UNIAN.
Fota Zelenskiy Official
Lotčyk źniščyŭ try pavietranyja celi i pracavaŭ pa čaćviortaj, vykarystoŭvajučy avijacyjnuju harmatu. Adnak na borcie ŭźnikła niaštatnaja situacyja. Piłot advioŭ samalot dalej ad nasielenaha punkta i paśpiachova katapultavaŭsia.
Dziakujučy apieratyŭnaj pracy hrupy pošukava-vyratavalnaha zabieśpiačeńnia, piłota chutka znajšli i evakujavali.
Samaadčuvańnie lotčyka zdavalniajučaje, jaho žyćciu i zdaroŭju ničoha nie pahražaje.