У суботу ў Вільні пройдзе літургія па памерлых беларусках і Міраславе Лазоўскім
Да малітвы-памяці пра былую палітзняволеную, мастачку і добраахвотніка можа далучыцца любы.
Ганна Кандраценка
«Дарагія сябры, заўтра а 10.00 па адрасу Bokšto, 4 служым Літургію ў памяць спачылых Ніны Маргаевай, Ганны Кандраценкі, Міраслава Лазоўскага (сёння 16.05 — гадавіна смерці). Хто хоча далучыцца да малітвы-памяці — запрашаем», — напісаў у сацсетках святар Георгій Рой.
Bokšto, 4 — адрас Беларускай царквы Сусветнага патрыярхату ў Вільні, знаходзіцца ў цэнтры горада побач з «Карчмой 1863».
Мастачка Ніна Маргаева памерла днямі ў Варшаве ва ўзросце 40 гадоў, таксама на гэтым тыдні стала вядома пра смерць былой палітзняволенай Ганны Кандраценкі. Сёння два гады, як у Бахмуце загінуў добраахвотнік Міраслаў Лазоўскі.
Чытайце таксама:
«Калі я загіну, пахавайце мой попел пад любым дубам». Пабрацім згадвае Міраслава Лазоўскага