У Варшаве памерла мастачка Ніна Маргаева, пра гэта напісалі яе сябры. У жанчыны была цяжкая хвароба.
Нейкі час таму Ніна трапіла ў цяжкую сітуацыю, звязаную з нечаканай хваробай. у 2022 годзе яна з 12-гадовым сынам Міронам была вымушаная выехаць з Беларусі ў Польшчу, дзе атрымала статус дадатковай абароны.
У студзені 2023 года ў Варшаве ў Ніны дыягнаставалі бакавы аміятрафічны склероз (БАС). На дадзены момант гэтая хвароба з'яўляецца невылечнай.
«Я здымаю кватэру, утрымліваю сына і пакрываю ўсе выдаткі на лячэнне. У цяперашні час мой фізічны стан значна пагоршыўся (не магу рухацца без падтрымкі, рукі амаль не дзейнічаюць, худнею), і мне патрэбна дапамога апекуна, якому таксама трэба плаціць», — пісала Ніна ў абвестцы на старонцы Фундацыі «Kawałek Nieba». На дапамогу быў абвешчаны збор грошай.
Ніна Маргаева нарадзілася ў 1984 годзе. У 2007-м скончыла Беларускі дзяржаўны ўніверсітэт культуры па спецыяльнасці «народныя рамёствы» (спецыялізацыя — кераміка).
Яшчэ падлеткам, Ніна пачала актыўна ўдзельнічаць у мастацкіх выставах і пленэрах.
У Мінску Ніна заснавала дзіцячую мастацкую студыю PLOT. Потым арандавала майстэрню і цягам 7 гадоў працавала з дзецьмі і дарослымі.
Пасля прэзідэнцкіх выбараў 2020 года Ніна Маргаева падпісала «Адкрыты ліст дзеячаў культуры і мастацтва супраць гвалту і фальсіфікацыі выбараў».
На мастачку пачаўся ціск, і ў чэрвені 2022 года Ніна была вымушаная з'ехаць з Беларусі з сынам Міронам. У Варшаве запусціла новы праект «Glieba».
У Ніны застаўся 13-гадовы сын.
-
У Чачэрску скончылі аднаўленне ратушы, пабудаванай фаварытам Кацярыны II для натхнёнага Лонданам «ідэальнага горада»
-
«Мне страшэнна падабаюцца кепскія мужчыны». Святлана Курс распавяла, як пісала сваю першую кнігу
-
«Нішто так не заахвочвае пісаць, як нуда». 50 гадоў таму памерла Агата Крысці. Як пісала гэта геніяльная жанчына?
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы6
Каментары
Трэба дапамагчы.