З'явілася магчымасць набыць Радзівілаўскую карту ВКЛ
Ініцыятыва «Мальдзіс» і выдавецтва «Гутэнберг» выпусцілі Радзівілаўскую карту ВКЛ у падарункавым фармаце.
Фота карты з планкамі: gutenbergpublisher.eu
У студзені «Мальдзіс» выкупіла арыгінальную Радзівілаўскую карту, надрукаваную на лацінскай мове ў Амстэрдаме ў 1631 годзе.
Цяпер набыць копію можна ў дзвюх версіях — з планкамі і без планак. Каштаваць яна будзе 250 і 150 злотых (215 і 129 рублёў) адпаведна.
Заказ можна аформіць на сайце выдавецтва «Гутэнберг».
Карта выраблена лімітаванай серыяй. Памер аркуша: 68 х 70 см.
Падарункавая Радзівілаўская карта ВКЛ. Фота: gutenbergpublisher.eu
Карта ахоплівае ўсю тэрыторыю ВКЛ у межах да Люблінскай уніі 1569-га года (да федэратыўнага аб’яднання з Каронай Польскай) і часткова землі суседніх краін.
Ініцыятарам яе стварэння і мецэнатам быў нясвіжскі князь і буйны дзяржаўны дзеяч Мікалай Крыштап Радзівіл (Сіротка), і ў выніку карта ўвайшла ў гісторыю пад ягоным прозвішчам.