Źjaviłasia mahčymaść nabyć Radziviłaŭskuju kartu VKŁ
Inicyjatyva «Maldzis» i vydaviectva «Hutenbierh» vypuścili Radziviłaŭskuju kartu VKŁ u padarunkavym farmacie.
Fota karty z płankami: gutenbergpublisher.eu
U studzieni «Maldzis» vykupiła aryhinalnuju Radziviłaŭskuju kartu, nadrukavanuju na łacinskaj movie ŭ Amsterdamie ŭ 1631 hodzie.
Ciapier nabyć kopiju možna ŭ dźviuch viersijach — z płankami i biez płanak. Kaštavać jana budzie 250 i 150 złotych (215 i 129 rubloŭ) adpaviedna.
Zakaz možna aformić na sajcie vydaviectva «Hutenbierh».
Karta vyrablena limitavanaj sieryjaj. Pamier arkuša: 68 ch 70 sm.
Padarunkavaja Radziviłaŭskaja karta VKŁ. Fota: gutenbergpublisher.eu
Karta achoplivaje ŭsiu terytoryju VKŁ u miežach da Lublinskaj unii 1569-ha hoda (da fiederatyŭnaha abjadnańnia z Karonaj Polskaj) i častkova ziemli susiednich krain.
Inicyjataram jaje stvareńnia i miecenatam byŭ niaśvižski kniaź i bujny dziaržaŭny dziejač Mikałaj Kryštap Radzivił (Sirotka), i ŭ vyniku karta ŭvajšła ŭ historyju pad jahonym proźviščam.