У Гродне грузавік МАЗ урэзаўся ў сцяну прадуктовай крамы
Днём 16 мая ў Гродне адбылося чарговае здарэнне з удзелам грузавога аўтамабіля. Некалькі дзён таму ў мікрараёне Грандзічы МАЗ праваліўся ў яму, а цяпер грузавік гэтай жа маркі сутыкнуўся са сцяной крамы на выездзе з горада, піша newgrodno.by.
Незвычайная падзея здарылася каля кругласутачнай крамы на вуліцы Суворава: грузавік наехаў на сцяну будынка. Кіроўца, акрамя стрэсу, атрымаў нязначныя траўмы — яго забрала хуткая дапамога.
Паводле папярэдняй інфармацыі, прычына аварыі — рэзкае тармажэнне машыны, якая ехала перад МАЗам. Каб пазбегнуць сутыкнення, кіроўца націснуў на тормаз, пасля чаго грузавік па слізкай дарозе «юзам» уляцеў у сцяну.
Пры гэтым МАЗ зачапіў прыпаркаваны «Мерсэдэс».
Чытайце таксама:
У Гродне МАЗ праваліўся ў глыбокую яму. Дастаць яго будзе цяжка ФОТАФАКТ
На МКАД можа з’явіцца чацвёртая паласа — для ціхаходнага транспарту і спецтэхнікі
Беларускі дальнабойшчык у Аўстрыі атрымаў траўмы пры напампоўванні кола