U Hrodnie hruzavik MAZ urezaŭsia ŭ ścianu praduktovaj kramy
Dniom 16 maja ŭ Hrodnie adbyłosia čarhovaje zdareńnie z udziełam hruzavoha aŭtamabila. Niekalki dzion tamu ŭ mikrarajonie Hrandzičy MAZ pravaliŭsia ŭ jamu, a ciapier hruzavik hetaj ža marki sutyknuŭsia sa ścianoj kramy na vyjeździe z horada, piša newgrodno.by.
Niezvyčajnaja padzieja zdaryłasia kala kruhłasutačnaj kramy na vulicy Suvorava: hruzavik najechaŭ na ścianu budynka. Kiroŭca, akramia stresu, atrymaŭ niaznačnyja traŭmy — jaho zabrała chutkaja dapamoha.
Pavodle papiaredniaj infarmacyi, pryčyna avaryi — rezkaje tarmažeńnie mašyny, jakaja jechała pierad MAZam. Kab paźbiehnuć sutyknieńnia, kiroŭca nacisnuŭ na tormaz, paśla čaho hruzavik pa ślizkaj darozie «juzam» ulacieŭ u ścianu.
Pry hetym MAZ začapiŭ pryparkavany «Miersedes».
Čytajcie taksama:
U Hrodnie MAZ pravaliŭsia ŭ hłybokuju jamu. Dastać jaho budzie ciažka FOTAFAKT
Na MKAD moža źjavicca čaćviortaja pałasa — dla cichachodnaha transpartu i śpiectechniki
Biełaruski dalnabojščyk u Aŭstryi atrymaŭ traŭmy pry napampoŭvańni koła