Польшча затрымала 5 тон санкцыйных шын для самалётаў Boeing, якія везлі праз Беларусь і Расію
Польскія мытнікі канфіскавалі 5 тон шын для грамадзянскіх самалётаў Boeing, якія павінны былі транзітам прайсці праз Беларусь. Імаверна, іх везлі ў Расію, піша Reuters.
Фота: vecteezy.com
Падчас праверкі грузавіка ў памежным пункце афіцэры выявілі, што вадзіцель перавозіў шыны для грамадзянскіх самалётаў Boeing замест заяўленых шын для аўтамабіляў і аўтобусаў.
Адпраўніком грузу выступала іспанская кампанія, а атрымальнікам — фірма з Азербайджана. У сувязі з мытным махлярствам была распачата справа. Санкцыйныя тавары былі канфіскаваны.
Заходнія санкцыі супраць Расіі ўводзіліся і неаднаразова ўзмацняліся пасля пачатку яе поўнамаштабнага ўварвання Расіі ва Украіну ў 2022 годзе.