Polšča zatrymała 5 ton sankcyjnych šyn dla samalotaŭ Boeing, jakija vieźli praź Biełaruś i Rasiju
Polskija mytniki kanfiskavali 5 ton šyn dla hramadzianskich samalotaŭ Boeing, jakija pavinny byli tranzitam prajści praź Biełaruś. Imavierna, ich vieźli ŭ Rasiju, piša Reuters.
Fota: vecteezy.com
Padčas pravierki hruzavika ŭ pamiežnym punkcie aficery vyjavili, što vadziciel pieravoziŭ šyny dla hramadzianskich samalotaŭ Boeing zamiest zajaŭlenych šyn dla aŭtamabilaŭ i aŭtobusaŭ.
Adpraŭnikom hruzu vystupała ispanskaja kampanija, a atrymalnikam — firma z Azierbajdžana. U suviazi z mytnym machlarstvam była raspačata sprava. Sankcyjnyja tavary byli kanfiskavany.
Zachodnija sankcyi suprać Rasii ŭvodzilisia i nieadnarazova ŭzmacnialisia paśla pačatku jaje poŭnamaštabnaha ŭvarvańnia Rasii va Ukrainu ŭ 2022 hodzie.