Грамадзянін Малдовы спрабаваў незаконна ўвезці ў Беларусь даражэнныя плацінавыя каралі
Грамадзянін Малдовы спрабаваў незаконна завезці ў Беларусь з Літвы плацінавыя каралі з каштоўнымі камянямі, схаваўшы іх ад мытнага кантролю, паведамляе Дзяржаўны мытны камітэт.
Мужчына заявіў супрацоўнікам пункта пропуску «Беняконі», што не мае тавараў, якія трэба дэклараваць. Але ягоныя паводзіны выклікалі ў мытнікаў падазрэнне.
Падчас агляду рэчаў малдаваніна быў знойдзены загорнуты ў паперу і скотч пакунак, у якім і знаходзілася каралі.
Экспертыза засведчыла, што каралі зробленыя з плаціны, а ўпрыгожаныя брыльянтамі і фіялетавай шпінэллю. Ягоны кошт ацанілі прыкладна ў 420 тысяч рублёў.
За ўхіленне ад выплаты належных плацяжоў у буйным памеры супраць мужчыны завялі крымінальную справу паводле ч. 2 арт. 231 Крымінальнага кодэкса Рэспублікі Беларусь.
Чытайце таксама:
Літоўская мытня перахапіла тры хітрасхаваныя ўсёдарожнікі, якія хацелі ўвезці ў Беларусь
У Беларусі затрымалі групу, якая ўвезла з-за мяжы небяспечны псіхатроп