Hramadzianin Małdovy sprabavaŭ niezakonna ŭvieźci ŭ Biełaruś daražennyja płacinavyja karali
Hramadzianin Małdovy sprabavaŭ niezakonna zavieźci ŭ Biełaruś ź Litvy płacinavyja karali z kaštoŭnymi kamianiami, schavaŭšy ich ad mytnaha kantrolu, paviedamlaje Dziaržaŭny mytny kamitet.
Mužčyna zajaviŭ supracoŭnikam punkta propusku «Bieniakoni», što nie maje tavaraŭ, jakija treba dekłaravać. Ale jahonyja pavodziny vyklikali ŭ mytnikaŭ padazreńnie.
Padčas ahladu rečaŭ małdavanina byŭ znojdzieny zahornuty ŭ papieru i skotč pakunak, u jakim i znachodziłasia karali.
Ekśpiertyza zaśviedčyła, što karali zroblenyja z płaciny, a ŭpryhožanyja bryljantami i fijaletavaj špinellu. Jahony košt acanili prykładna ŭ 420 tysiač rubloŭ.
Za ŭchileńnie ad vypłaty naležnych płaciažoŭ u bujnym pamiery suprać mužčyny zaviali kryminalnuju spravu pavodle č. 2 art. 231 Kryminalnaha kodeksa Respubliki Biełaruś.