Уводзяцца новыя правілы для аўтамабільных парковак

27 мая Аляксандр Лукашэнка падпісаў указ, які ўносіць змены ва ўказ 2006 года аб арганізацыі аўтамабільных стаянак і парковак.

Фота ілюстрацыйная

Мэта ўказа — зменшыць транспартную і экалагічную нагрузку на цэнтры гарадоў, а таксама павысіць эфектыўнасць выкарыстання парковачнай прасторы і дысцыпліну аплаты сярод аўтаўладальнікаў.

Асноўныя змены:

• удакладняюцца правілы арганізацыі платных парковак;
• цяпер не абавязкова абсталёўваць платныя паркоўкі сістэмамі ўліку часу і аплаты, а таксама бар’ерамі, якія перашкаджаюць выезду без аплаты;
• вызначаныя катэгорыі транспартных сродкаў, якія вызваляюцца ад аплаты — сярод іх аператыўны транспарт (медыцына, міліцыя, армія, МНС, пошта і іншыя);
• бясплатнымі застануцца парковачныя месцы каля рынкаў, гандлёвых і сацыяльна-культурных аб’ектаў.

Дакладны парадак працы парковак і правілы аплаты будзе вызначаць Савет Міністраў. Новыя нормы ўступяць у сілу праз тры месяцы пасля афіцыйнага апублікавання.

Каментары да артыкула