У Баварыі з фургона беларуса зніклі 50 мабільных тэлефонаў
У нямецкай зямлі Баварыя адбыўся крадзеж з фургона з польскімі нумарамі, якім кіраваў 25-гадовы беларус, паведамляе сайт «Беларусь і свет» са спасылкай на Passauer Neue Presse.
Фота: polizei.sachsen.de
У сераду 21 мая каля 07:00 раніцы наш суайчыннік звярнуўся ў паліцыю з заявай пра тое, што напярэдадні ноччу невядомыя здолелі здзейсніць крадзеж з яго транспартнага сродку.
Вадзіцель спыніўся адпачыць на аўтастаянцы «Тайсбахер Мос», і пакуль ён спаў, нехта разрэзаў тэнт грузавога аддзялення і сцягнуў 5 упаковак, у якіх знаходзіліся 50 мабільных тэлефонаў.
Дакладная сума шкоды пакуль невядомая. Паліцыя пачала расследаванне і шукае сведкаў, што заўважылі ў тую ноч нешта падазронае і звязанае са справай.