U Bavaryi z furhona biełarusa źnikli 50 mabilnych telefonaŭ
U niamieckaj ziamli Bavaryja adbyŭsia kradziež z furhona z polskimi numarami, jakim kiravaŭ 25-hadovy biełarus, paviedamlaje sajt «Biełaruś i śviet» sa spasyłkaj na Passauer Neue Presse.
Fota: polizei.sachsen.de
U sieradu 21 maja kala 07:00 ranicy naš suajčyńnik źviarnuŭsia ŭ palicyju z zajavaj pra toje, što napiaredadni nočču nieviadomyja zdoleli ździejśnić kradziež ź jaho transpartnaha srodku.
Vadziciel spyniŭsia adpačyć na aŭtastajancy «Tajsbachier Mos», i pakul jon spaŭ, niechta razrezaŭ tent hruzavoha adździaleńnia i ściahnuŭ 5 upakovak, u jakich znachodzilisia 50 mabilnych telefonaŭ.
Dakładnaja suma škody pakul nieviadomaja. Palicyja pačała rasśledavańnie i šukaje śviedkaŭ, što zaŭvažyli ŭ tuju noč niešta padazronaje i źviazanaje sa spravaj.