СК пахваліўся, што ідэнтыфікаваў больш за 1000 карыстальнікаў праграмы «Новая Беларусь»
Не спыняецца накат уладаў на праект «Новая Беларусь» Паўла Лібера. Цяпер сілавікі заявілі, што ідэнтыфікавалі тысячу карыстальнікаў праекта, а некаторых нават затрымалі.
Як піша СК, у іх ёсць «дакладная інфармацыя ў дачыненні да больш чым 1000 карыстальнікаў, якія прайшлі рэгістрацыю ў дадатку «Новая Беларусь» і ўключаных у яе склад іншых сэрвісаў». Некаторых, кажуць, ужо арыштавалі як удзельнікаў «экстрэмісцкага фармавання».
Платформа «Новая Беларусь», заснаваная Паўлам Ліберам — ІТ-прадпрымальнікам і стваральнікам праекта «Голос», — з'яўляецца спробай пабудаваць лічбавую экасістэму для беларусаў. Яна была запушчана ў снежні 2022 года і з таго часу актыўна развіваецца.
Увесь гэты час не спыняюцца спробы ўладаў дыскрэдытаваць і спыніць праект.
Чытайце таксама:
17-гадовы стартапер Бурбіцкі намякае, што Лібер прабраўся да яго ў кватэру і раскідаў рэчы