Міліцыя ганялася за 12-гадовым падлеткам, які ездзіў на мапедзе
Здарэнне адбылося ў суботу ў Сеніцы пад Мінскам, паведамляе тэлеграм-канал «Міліцыя Міншчыны».
Скрыншот відэа «Міліцыя Міншчыны»
У дзяжурную службу Мінскага РАУС паведамілі, што ў Сеніцы непаўналетнія ездзяць на матацыклах. Экіпаж ДПС выехаў на месца. На вуліцы Зялёнай міліцыянеры ўбачылі падлеткаў на мапедах. Пабачыўшы машыну ДАІ, падлеткі паспрабавалі з'ехаць. Адзін з іх нават кінуў транспартны сродак і паспрабаваў уцячы. Аднак не атрымалася. Хутка яго затрымалі. Аказалася, хлопцу ўсяго 12 гадоў.
«Матацыкл змешчаны на штрафстаянку. Паколькі кіроўцу мапеда менш за 16 гадоў, матэрыялы накіраваны ў інспекцыю па справах непаўналетніх), каб па арт. 10.3 КаАП («Невыкананне абавязкаў па выхаванні дзяцей») прыцягнуць да адказнасці яго бацькоў», — гаворыцца ў паведамленні.