Milicyja haniałasia za 12-hadovym padletkam, jaki jeździŭ na mapiedzie
Zdareńnie adbyłosia ŭ subotu ŭ Sienicy pad Minskam, paviedamlaje telehram-kanał «Milicyja Minščyny».
Skrynšot videa «Milicyja Minščyny»
U dziažurnuju słužbu Minskaha RAUS paviedamili, što ŭ Sienicy niepaŭnaletnija jeździać na matacykłach. Ekipaž DPS vyjechaŭ na miesca. Na vulicy Zialonaj milicyjaniery ŭbačyli padletkaŭ na mapiedach. Pabačyŭšy mašynu DAI, padletki pasprabavali źjechać. Adzin ź ich navat kinuŭ transpartny srodak i pasprabavaŭ uciačy. Adnak nie atrymałasia. Chutka jaho zatrymali. Akazałasia, chłopcu ŭsiaho 12 hadoŭ.
«Matacykł źmieščany na štrafstajanku. Pakolki kiroŭcu mapieda mienš za 16 hadoŭ, materyjały nakiravany ŭ inśpiekcyju pa spravach niepaŭnaletnich), kab pa art. 10.3 KaAP («Nievykanańnie abaviazkaŭ pa vychavańni dziaciej») pryciahnuć da adkaznaści jaho baćkoŭ», — havorycca ŭ paviedamleńni.