Кніга рэкордаў Гінеса прызнала канцэрт Лэдзі Гагі ў Бразіліі рэкордным
Кніга рэкордаў Гінеса прызнала канцэрт Лэдзі Гагі ў Бразіліі рэкордным па наведвальнасці. Падзею наведалі 2,5 млн чалавек.
Лэдзі Гага выступае на пляжы Капакабана 3 мая 2025 года ў Рыа-дэ-Жанэйра, Бразілія. Фота: Kevin Mazur / WireImage for Live Nation
«Бясплатны канцэрт Лэдзі Гагі 3 мая на пляжы Капакабана ў Рыа-дэ-Жанэйра, Бразілія, паводле ацэнак, наведалі 2,5 млн фанатаў, што робіць яго самым маштабным па наведвальнасці сольным канцэртам у гісторыі сярод жанчын-музыкаў», — гаворыцца ў паведамленні.
Першае шоу Лэдзі Гагі ў Бразіліі за 13 гадоў пабіла рэкорд, устаноўлены Мадоннай на тым жа месцы 4 мая 2024 года, калі на канцэрт сабраліся каля 1,6 млн чалавек.