Лэдзі Гага дала бясплатны канцэрт у Рыа-дэ-Жанэйра для 2 млн чалавек
Гледачамі бясплатнага канцэрта амерыканскай спявачкі Лэдзі Гагі на пляжы Капакабана ў Рыа-дэ-Жанэйра сталі больш за 2 млн чалавек, паведамілі ўлады горада.
Самы маштабны ў гісторыі канцэрт Лэдзі Гагі быў аплачаны з гарадскога бюджэту. Мэрыя спадзяецца, што ў выніку мерапрыемства мясцовая эканоміка атрымае дадатковыя 100 млн долараў, піша ВВС.
Канцэрт, які адбыўся ў суботу, стаў часткай сусветнага турнэ Лэдзі Гагі пасля выхаду яе восьмага альбома пад назвай Mayhem (гэта слова перакладаецца з англійскай як «хаос» ці «поўная бязладзіца»). Апошні раз яна выступала ў Бразіліі ў 2012 годзе.
«Вы мяне чакалі, чакалі мяне больш за 10 гадоў, — сказала гледачам спявачка, разгортваючы бразільскі сцяг. — Бразілія, я гатова! Гатова выкласціся па поўнай!»
Некаторыя прыхільнікі Лэдзі Гагі займалі чаргу на канцэрт з ночы і чакалі некалькі гадзін, каб патрапіць на пляж. Частка гледачоў прыехала на канцэрт з іншых гарадоў Бразіліі.
Бяспеку на канцэрце забяспечвалі 5 тысяч супрацоўнікаў паліцыі. Улады таксама выкарыстоўвалі дроны і камеры з тэхналогіяй распазнання асоб.
Назіраць за тым, што адбываецца, гледачы маглі пры дапамозе некалькіх гіганцкіх экранаў, устаноўленых на пляжы.
Лэдзі Гага — не першая поп-зорка, якая правяла бясплатны канцэрт на пляжы Капакабана, аднак ён стаў адным з самых буйнамаштабных у гісторыі.
У маі 2024 года тут жа выступала Мадона, паводле ацэнак мэрыі, гледачамі сталі 1,5 млн чалавек.
Па дадзеных Кнігі рэкордаў Гінэса, менавіта на пляж Копакабана прыйшла самая вялікая ў сусветнай гісторыі аўдыторыя бясплатнага канцэрта: у 1994 году Род Сцюарт сабраў там на Новы год 3,5 млн гледачоў.
Цяпер чытаюць
Дар’я Шманай двойчы трапляла ў аварыі ў Маскве на чужым «Мерсэдэсе»17
Каментары
Канцэрт Лэдзі Гага быў аплочаны з бюджэту.
З такім кіраўніцтвам Бразілія не хутка выбярэцца з галечы.
Гэтыя грошы маглі быць патрачаныя на адукацыю, медыцыну, навучанне новым прафесіям. 🤦🏻🤦🏻🤦🏻