Тры простыя спосабы аблупіць і парэзаць манга
Манга перастала быць экзотыкай — гэты яркі, сакавіты плод усё часцей трапляе на беларускія сталы. Але з першай сустрэчы з манга ўзнікае натуральнае пытанне: як яго правільна пачысціць, каб як мага менш згубіць сакавітай мякаці?
Getty Images. Stock photo
Манга — трапічны фрукт з цёплых куткоў Азіі, які даўно стаў часткай штодзённага рацыёну ў многіх краінах свету. Яго мякіш — духмяны, далікатна салодкі, многім нагадвае смак персіка. Форма ў манга звычайна авальная, а колер скуркі можа вар'іравацца ад зялёнага да насычана-чырвонага — усё залежыць ад гатунку, якіх існуе некалькі соцень.
Манга не толькі смачны, але і вельмі карысны фрукт. Ён багаты на вітамін C, які ўмацоўвае імунную сістэму; вітамін A, што падтрымлівае здаровы зрок; вітаміны групы B, якія спрыяюць працы нервовай сістэмы. Таксама ў ім шмат антыаксідантаў, якія запавольваюць старэнне і абараняюць клеткі ад свабодных радыкалаў, і клятчаткі, якая паляпшае працу стрававальнага тракту і дае працяглае насычэнне.
Спелы фрукт манга мае моцны, салодкі водар, пры націсканні злёгку спружыніць, але не становіцца занадта мяккім. З-за таго, што спелы фрукт можа мець у тым ліку і зялёны колер, варта арыентавацца менавіта на пах і тэкстуру. Калі манга цвёрдае, пакіньце яго на некалькі дзён пры пакаёвай тэмпературы, і яно даспее.
Хіба кожны, хто першы раз узяў у рукі манга, сутыкаецца з адной праблемай — як яго лупіць? Скурка ў фрукта шчыльная і слізкая, костка — вялікая і плоская.
Існуюць тры простыя спосабы, як без клопатаў справіцца з гэтай задачай.
Спосаб 1: «Вожык»
Гэты метад ідэальна падыходзіць, каб атрымаць акуратныя кубікі мякішу для салатаў, дэсертных талерак або прыгожай падачы.
Спачатку памыйце фрукт пад праточнай вадой. Затым пастаўце манга вертыкальна і вострым нажом адрэжце дзве вялікія часткі (шчочкі) з абодвух бакоў ад плоскай косткі.
На кожнай частцы, не праразаючы скуркі, нажом зрабіце глыбокія надрэзы, каб атрымалася сетачка на мякішы.
Націсніце з другога боку на скурку, каб яна вывернулася і ўтварыла «вожыка». Кубікі можна лёгка саскрэбці лыжкай або зрэзаць нажом.
Гэты метад выглядае вельмі эфектна і выдатна падыходзіць для святочнай падачы, напрыклад, побач з сырамі.
Спосаб 2: Пры дапамозе шклянкі
Як і ў першым спосабе, у памытага фрукта адрэжце дзве вялікія бакавыя часткі.
Вазьміце адрэзаную частку скуркай вонкі і прыцісніце яе да краю шклянкі з тонкімі сценкамі. Павольна вядзіце ўніз, каб мякіш саслізнуў унутр шклянкі.
Зрабіце тое ж самае з другой часткай і зрэжце рэшткі вакол косткі.
Спосаб 3: Зубачысткай замест нажа
Гэты спосаб падыходзіць, калі вам патрэбны вялікія кавалкі мякаці — для смузі, пюрэ ці нарэзкі.
Памыўшы манга, вострым нажом акуратна абярыце садавіну ад лупіны, а затым нарэжце мякаць патрэбнай вам формай — кубікамі, палоскамі, лустачкамі.
Зняць скурку можна і без дапамогі нажа. Для гэтага спатрэбіцца металічная манетка і зубачыстка. Некалькі разоў правядзіце яе краем па паверхні манга, каб змякчыць лупіну.
Далей вазьміце зубачыстку і акуратна зрабіце на манга падоўжаны надрэз.
Пасля гэтага зубачыстку акуратна ўстаўце пад лупіну і прайдзеце ёю з боку ў бок па ўсёй даўжыні разрэзу. Пасля гэтага адгарніце пальцам край скуры і здыміце.
Карысныя парады, як лупіць манга
Памятайце пра бяспеку. Манга можа быць слізкім — асабліва спелы. Таму заўсёды выкарыстоўвайце востры нож і будзьце ўважлівыя.
Выкарыстоўвайце рэшткі. Не спяшайцеся выкідаць абрэзаную сярэдзіну — вакол яе шмат смачнай мякаці.
Захоўванне. Ачышчанае манга трымайце ў герметычным кантэйнеры ў халадзільніку не даўжэй за 2—3 дні. Для доўгага захоўвання — замарозьце.
Фота: MD AMIR HAMJA / Vecteezy
Чытайце таксама:
Як мыць садавіну, гародніну і зеляніну, каб не атруціцца?