Ноччу на Мінск і Мінскую вобласць зноў абрынуліся залевы і навальніцы
112 населеных пунктаў Мінскай вобласці засталіся без святла.
Ноччу 8 ліпеня з-за моцнай навальніцы без святла засталіся жыхары 112 населеных пунктаў Мінскай вобласці. Найбольш пацярпелі Пухавіцкі, Слуцкі, Маладзечанскі і Мядзельскі раёны.
Прычынай аварый сталі паваленыя дрэвы і галіны, якія падалі на лініі электраперадач.
З поўначы энергетыкі працавалі над ліквідацыяй аварый. На 9 раніцы святла яшчэ не было ў 48 населеных пунктах.
Для аднаўлення электрычнасці задзейнічаны 36 аварыйных брыгад, 42 адзінкі тэхнікі і 4 дызель-станцыі.