Nočču na Minsk i Minskuju vobłaść znoŭ abrynulisia zalevy i navalnicy
112 nasielenych punktaŭ Minskaj vobłaści zastalisia bieź śviatła.
Nočču 8 lipienia z-za mocnaj navalnicy bieź śviatła zastalisia žychary 112 nasielenych punktaŭ Minskaj vobłaści. Najbolš paciarpieli Puchavicki, Słucki, Maładziečanski i Miadzielski rajony.
Pryčynaj avaryj stali pavalenyja drevy i haliny, jakija padali na linii elektrapieradač.
Z poŭnačy enierhietyki pracavali nad likvidacyjaj avaryj. Na 9 ranicy śviatła jašče nie było ŭ 48 nasielenych punktach.
Dla adnaŭleńnia elektryčnaści zadziejničany 36 avaryjnych bryhad, 42 adzinki techniki i 4 dyziel-stancyi.