Аўталаўкі ў вёсках могуць змяніць свой выгляд — вось як ФОТЫ
Навінку паказалі на выставе «Белагра-2025».
Аўталаўка «Мандарын». Фота тут і далей: av.by.
На выставе «Белагра-2025» завод аўтамабільных прычэпаў і кузаваў «МАЗ-Купава» прадставіў навінку — аўталаўку «Мандарын», піша av.by.
Унутры аўталаўкі — халадзільныя вітрыны, маразільная скрыня, стойкі для хлебных латкоў, паліцы для прадукцыі, гардэробная шафа, мыйка з бойлерам. Таксама ёсць адсек для бензінавай электрастанцыі для сілкавання ўнутранага электраабсталявання кузава.
Але камплектацыя можа быць іншай, калі таго захоча заказчык.
Машына пабудавана на лёгкім мабільным шасі МАЗ-365022. Дапушчальная агульная маса да 3,5 тоны дазваляе тэхніцы перасоўвацца па ўсіх аўтамабільных дарогах краіны.
Гэта першы гандлёвы кузаў, распрацаваны на дадзеным шасі і які мае закругленыя формы. Некаторыя дэталі выраблялі з ужываннем тэхналогіі 3D-друку.
Гэта новая распрацоўка. На выставе паказалі першы асобнік. Але на заводзе спадзяюцца, што аўталаўка пойдзе ў серыю.
Так цяпер выглядаюць аўталаўкі