Aŭtałaŭki ŭ vioskach mohuć źmianić svoj vyhlad — voś jak FOTY
Navinku pakazali na vystavie «Biełahra-2025».
Aŭtałaŭka «Mandaryn». Fota tut i dalej: av.by.
Na vystavie «Biełahra-2025» zavod aŭtamabilnych pryčepaŭ i kuzavaŭ «MAZ-Kupava» pradstaviŭ navinku — aŭtałaŭku «Mandaryn», piša av.by.
Unutry aŭtałaŭki — chaładzilnyja vitryny, marazilnaja skrynia, stojki dla chlebnych łatkoŭ, palicy dla pradukcyi, harderobnaja šafa, myjka z bojleram. Taksama jość adsiek dla bienzinavaj elektrastancyi dla siłkavańnia ŭnutranaha elektraabstalavańnia kuzava.
Ale kamplektacyja moža być inšaj, kali taho zachoča zakazčyk.
Mašyna pabudavana na lohkim mabilnym šasi MAZ-365022. Dapuščalnaja ahulnaja masa da 3,5 tony dazvalaje technicy pierasoŭvacca pa ŭsich aŭtamabilnych darohach krainy.
Heta pieršy handlovy kuzaŭ, raspracavany na dadzienym šasi i jaki maje zakruhlenyja formy. Niekatoryja detali vyrablali z užyvańniem technałohii 3D-druku.
Heta novaja raspracoŭka. Na vystavie pakazali pieršy asobnik. Ale na zavodzie spadziajucca, što aŭtałaŭka pojdzie ŭ sieryju.
Tak ciapier vyhladajuć aŭtałaŭki