Удакладнілі парадак звальнення з вайсковай службы
11 чэрвеня Лукашэнка падпісаў указ, які ўносіць змены ў Палажэнне аб парадку праходжання вайсковай службы, зацверджанае яшчэ ў 2005 годзе.
Дакумент быў падрыхтаваны ў межах рэалізацыі Закона аб змяненні заканадаўства ў сферы нацыянальнай бяспекі, прынятага ў красавіку 2024 года.
Указ, як адзначае прэс-служба Лукашэнкі, удакладняе парадак звальнення з вайсковай службы, у тым ліку датэрміновага — да заканчэння кантракта. Таксама перагледжаныя падставы для прыпынення службы.
Тыя, хто звальняецца пасля заканчэння тэрміну кантракта, могуць па ўласным жаданні праходзіць медыцынскае абследаванне ў вайскова-урачэбнай камісіі.
Удакладнены і парадак вызвалення вайскоўцаў ад неабходнасці кампенсацыі выдаткаў на навучанне. Акрамя таго, дададзеныя новыя падставы для надання сацыяльнага адпачынку — напрыклад, для тых, хто мае ўзнагароду «Ганаровы донар Рэспублікі Беларусь».
Чытайце таксама:
Да ветэранаў спецназа Паўлічэнкі прыязджаў незвычайны госць: беларус, але мусульманін
«Патрыятычны» фонд Мікалая Карпянкова для школьнікаў, падобна, фінансуецца «Інтэгралам»