Udakładnili paradak zvalnieńnia z vajskovaj słužby
11 červienia Łukašenka padpisaŭ ukaz, jaki ŭnosić źmieny ŭ Pałažeńnie ab paradku prachodžańnia vajskovaj słužby, zaćvierdžanaje jašče ŭ 2005 hodzie.
Dakumient byŭ padrychtavany ŭ miežach realizacyi Zakona ab źmianieńni zakanadaŭstva ŭ śfiery nacyjanalnaj biaśpieki, pryniataha ŭ krasaviku 2024 hoda.
Ukaz, jak adznačaje pres-słužba Łukašenki, udakładniaje paradak zvalnieńnia z vajskovaj słužby, u tym liku daterminovaha — da zakančeńnia kantrakta. Taksama pierahledžanyja padstavy dla prypynieńnia słužby.
Tyja, chto zvalniajecca paśla zakančeńnia terminu kantrakta, mohuć pa ŭłasnym žadańni prachodzić miedycynskaje abśledavańnie ŭ vajskova-uračebnaj kamisii.
Udakładnieny i paradak vyzvaleńnia vajskoŭcaŭ ad nieabchodnaści kampiensacyi vydatkaŭ na navučańnie. Akramia taho, dadadzienyja novyja padstavy dla nadańnia sacyjalnaha adpačynku — naprykład, dla tych, chto maje ŭznaharodu «Hanarovy donar Respubliki Biełaruś».
Čytajcie taksama:
Da vieteranaŭ śpiecnaza Paŭličenki pryjazdžaŭ niezvyčajny hość: biełarus, ale musulmanin
«Patryjatyčny» fond Mikałaja Karpiankova dla školnikaŭ, padobna, finansujecca «Intehrałam»