Іранскія ракетныя ўдары па Ізраілі забілі як мінімум восем чалавек, сярод іх дзеці
Паводле звестак, апублікаваных інфармагенцтвам AFP са спасылкай на экстраныя службы Ізраіля, у выніку начных удараў Ірана па ізраільскіх гарадах загінулі як мінімум восем чалавек, у тым ліку дзеці.
Будынак, у які трапіла ракета, выпушчаная з Ірана, недалёка ад Тэль-Авіва, Ізраіль, у нядзелю, 15 чэрвеня 2025 года. Фота: AP Photo / Ohad Zwigenberg
У цэнтральным рэгіёне краіны, згодна з паведамленнямі ізраільскіх медыкаў, загінулі чацвёра чалавек, сярод іх 10-гадовы хлопчык. Прыкладна 100 чалавек атрымалі раненні.
Акрамя таго, позна ўвечары ў суботу паведамлялася пра разбурэнне трохпавярховага будынка ў Заходняй Галілеі, у выніку чаго загінулі тры жанчыны. Яшчэ адзін удар прыпаў на жылы дом у раёне Хайфы — там загінула 20-гадовая жанчына, а 14 чалавек былі паранены.
Чытайце таксама:
Ізраіль наносіць удары па Іране і Емене
Частка іранскіх ракет ізноў прабіла «Жалезны шчыт» Ізраіля, падалі на жылыя дамы
Іран пагражае перакрыць Армузскі праліў. Чым гэта пагражае Еўропе і свету?