Iranskija rakietnyja ŭdary pa Izraili zabili jak minimum vosiem čałaviek, siarod ich dzieci

Pavodle źviestak, apublikavanych infarmahienctvam AFP sa spasyłkaj na ekstranyja słužby Izraila, u vyniku načnych udaraŭ Irana pa izrailskich haradach zahinuli jak minimum vosiem čałaviek, u tym liku dzieci.

Budynak, u jaki trapiła rakieta, vypuščanaja ź Irana, niedaloka ad Tel-Aviva, Izrail, u niadzielu, 15 červienia 2025 hoda. Fota: AP Photo / Ohad Zwigenberg

U centralnym rehijonie krainy, zhodna z paviedamleńniami izrailskich miedykaŭ, zahinuli čaćviora čałaviek, siarod ich 10-hadovy chłopčyk. Prykładna 100 čałaviek atrymali ranieńni. 

Akramia taho, pozna ŭviečary ŭ subotu paviedamlałasia pra razbureńnie trochpaviarchovaha budynka ŭ Zachodniaj Halilei, u vyniku čaho zahinuli try žančyny. Jašče adzin udar prypaŭ na žyły dom u rajonie Chajfy — tam zahinuła 20-hadovaja žančyna, a 14 čałaviek byli paranieny.

Kamientary da artykuła