У пункце пропуску «Беняконі» ўкладваюць асфальтабетон, работы працягнуцца па 20 чэрвеня
У пункце пропуску «Беняконі» на беларуска-літоўскай мяжы працягваецца рамонт дарожнага палатна, паведамляе Мытны камітэт.
Беняконі. Ілюстрацыйнае фота Мытны камітэт
Як адзначылі ў ведамстве, сёння пачалася ўкладка асфальтабетоннага пакрыцця, якая працягнецца па 20 чэрвеня.
У Дзяржаўным мытным камітэце звярнулі ўвагу, што правядзенне рамонтных работ можа ўскладніць рух транспартных сродкаў, якія перасякаюць гэты пункт пропуску. І звярнуліся з просьбай улічваць гэтыя звесткі пры планаванні перасячэння беларуска-літоўскай мяжы.
Дарэчы, па стане на 14:00 у Беняконях з'явілася чарга з легкавых аўтамабіляў. Там стаіць 30 машын. Раніцай чаргі не было.