U punkcie propusku «Bieniakoni» ŭkładvajuć asfaltabieton, raboty praciahnucca pa 20 červienia
U punkcie propusku «Bieniakoni» na biełaruska-litoŭskaj miažy praciahvajecca ramont darožnaha pałatna, paviedamlaje Mytny kamitet.
Bieniakoni. Ilustracyjnaje fota Mytny kamitet
Jak adznačyli ŭ viedamstvie, siońnia pačałasia ŭkładka asfaltabietonnaha pakryćcia, jakaja praciahniecca pa 20 červienia.
U Dziaržaŭnym mytnym kamitecie źviarnuli ŭvahu, što praviadzieńnie ramontnych rabot moža ŭskładnić ruch transpartnych srodkaŭ, jakija pierasiakajuć hety punkt propusku. I źviarnulisia z prośbaj uličvać hetyja źviestki pry płanavańni pierasiačeńnia biełaruska-litoŭskaj miažy.
Darečy, pa stanie na 14:00 u Bieniakoniach źjaviłasia čarha ź lehkavych aŭtamabilaŭ. Tam staić 30 mašyn. Ranicaj čarhi nie było.