У Мінску затрымалі замежнага хіп-хоп выканаўцу, які быў і наркагандляром
У Мінску сілавікі спынілі дзейнасць міжнароднай крамы ў даркнэце, праз якую прадавалі наркотыкі. Супрацоўнікі сталічнага наркокантролю разам з экспертамі па грамадскай бяспецы затрымалі 30-гадовага іншаземца, які кіраваў гэтым нелегальным інтэрнэт-рэсурсам, паведамляе прэс-служба ГУУС Мінскага гарвыканкама.
Скрыншот з відэа
Сцвярджаецца, што мужчына не толькі сам адміністраваў сайт, але і выконваў ролю аптавіка-кур’ера. Ён прывозіў у Беларусь буйныя партыі наркотыкаў цягніком і хаваў іх у тайніках па Мінску. Такім чынам ён дзейнічаў прыкладна паўгода.
Акрамя гэтага вядома, што затрыманы таксама выступаў як хіп-хоп выканаўца. Падчас затрымання ў ягоных кватэры і сховішчах знайшлі 100 грамаў гашышу. Інфармацыя перададзеная ў суседнюю краіну, дзе працягваюцца аператыўныя дзеянні.
Супраць затрыманага мужчыны распачатая крымінальная справа за незаконны абарот наркотыкаў.
Чытайце таксама:
Ілан Маск апублікаваў вынікі аналізаў мачы на наркотыкі
У Бераставіцкім раёне ліквідавалі вялікае поле маку
У Брэсце два чалавекі загінулі ад перадазіроўкі метадону
Памёр аршанец Андрэй Корпс — наркаман, які спрабаваў ратаваць ад наркотыкаў іншых