У Брэсце ад ужывання наркотыкаў загінулі адзін за адным двое людзей, паведаміў Следчы камітэт. Цяпер улады шукаюць тых, хто распаўсюджвае наркотыкі.
Першы выпадак адбыўся 10 мая: мінакі знайшлі на вуліцы цела 47-гадовага мужчыны. Медыкі, якія прыехалі на месца, канстатавалі смерць.
Праз два дні адбылася яшчэ адна трагедыя — мужчына выявіў сваю 42-гадовую сужыцельку мёртвай у іх кватэры. Падчас агляду месца здарэння следчыя знайшлі выкарыстаны шпрыц.
Медыцынская экспертыза паказала, што абодва берасцейцы загінулі ў выніку атручвання метадонам — асабліва небяспечным наркотыкам.
Следчы камітэт распачаў крымінальныя справы па артыкуле аб незаконным абароце наркотыкаў, што прывёў да смерці людзей. У СК падкрэсліваюць: нават аднаразовае ўжыванне наркотыкаў можа каштаваць жыцця.
Цяпер чытаюць
Зянковіч назваў імя правакатара, з якога пачалася справа змоўшчыкаў супраць Лукашэнкі. Яго кар'ера цяпер пайшла ўгару19
Каментары