Усевалад Сцебурака. Робіш працу заўжды як хутчэй… Верш

Усевалад Сцебурака апублікаваў у фэйсбуку новы верш.

Робіш працу заўжды як хутчэй.
Хоць не гоніць ніхто,
не прыспешвае,
хоць ніхто не таўчэ ў каршэнь,
робіш так — бы змагаешся з лепшымі.

Колькі там засталося іх?
тых пакосаў,
тых дроў не шчапаных…
І мне чуецца ціхі ўздых,
што плыве ад калод смаляных.

Ды навыперадкі з жыццём
усёй працы ніяк не агораць…
Ветрам змеценае лісцё
нас не ўспомніць.

Каментары да артыкула