У ліпені будуць істотныя змены ў маршрутах некаторых цягнікоў

Беларуская чыгунка паведамляе, што з-за рамонту чыгуначнага моста на ўчастку «Жабінка — Брэст», які пройдзе з 9:30 15 ліпеня да 4:00 16 ліпеня, будуць часова змененыя расклад і маршруты шэрагу цягнікоў.

Фота ілюстрацыйнае

Як зменяцца маршруты міжнародных цягнікоў:

• Цягнік «Масква — Брэст» №3/4 14 ліпеня паедзе толькі да станцыі «Баранавічы-Палескія». Адтуль жа адправіцца назад у Маскву 15 ліпеня ўвечары.
• Цягнік «Масква — Брэст» №27/28 14 ліпеня дойдзе толькі да Жабінкі, зваротны рэйс таксама будзе адтуль.
• Цягнік «Санкт-Пецярбург — Брэст» №51/52 таксама скончыць маршрут у Жабінцы 15 ліпеня і вернецца назад з гэтай станцыі.

Рэгіянальныя цягнікі:

• Цягнікі бізнэс-класа паміж Мінскам і Брэстам 15 ліпеня будуць курсіраваць толькі да Жабінкі, частка з іх будзе адменена.
• З 21 чэрвеня цягнікі №736 і №737 абслугоўваюцца з вакзала «Мінск-Пасажырскі».

Рэгіянальныя змены і адмены:

• Цягнік «Полацк — Віцебск — Брэст» №605/606 14 ліпеня дойдзе толькі да Іванава (Яноў-Палескі), назад адправіцца таксама з Іванава 15 ліпеня.
• Бесперасадачныя вагоны на маршруце «Гродна — Брэст — Гродна» адмененыя на 14-15 ліпеня.
• Цягнікі №604 «Брэст — Гомель» і №658 «Брэст — Мінск — Полацк» 15 ліпеня пачнуць рух з Жабінкі, №658 паедзе праз Пінск і Лунінец.

Каментары да артыкула