У турагенцтве расказалі, як іх узламаў Чабурашка
Беларускія турфірмы папярэдзілі пра выпадкі махлярства, калі кліент пад іменем «Чабурашка» забраніраваў нумары ў дарагім гатэлі, а потым патрабаваў пералічыць яму грошы. Пра гэта расказаў Рэспубліканскаму саюзу турыстычнай індустрыі Яўген Скібуноў, дырэктар кампаніі «Трэвелсофт кансалтынг», якая працуе з CRM-сістэмамі турфірмаў.
Здымак ілюстрацыйны. Фота з расійскага фільма «Чабурашка»
Усё пачалося з паведамлення тураператару: «Я — Чабурашка. Я вас узламаў». У сістэме сапраўды з’явіліся дзве броні на імя «Чабурашкі» ў гатэлі «Імперыял». Каб не дапусціць масавага браніравання дарагіх нумароў, турфірма заблакавала доступ да сваёй сістэмы.
Высветлілі, што броні былі зробленыя праз уліковы запіс аднаго з турагенцтваў, хоць у гэтым агенцтве сцвярджалі, што такіх браніраванняў не рабілі. Але ў выніку аказалася, што адзін з кліентаў, сядзеўшы побач з супрацоўніцай, запомніў яе лагін і пароль, запісаныя на стыкеры, які ляжаў на маніторы. Пасля гэтага ён з дому ўвайшоў у сістэму і зрабіў фіктыўныя броні.
Больш за тое, махляр патрабаваў перавесці яму 6000 рублёў у электронных грашах.
Гэта прыклад таго, што нават без складанага ўзлому ўцечка даных можа адбыцца з-за звычайнай неабачлівасці, адзначыў Скібуноў.
Чытайце таксама:
Эксперты расказалі, дзе беларусы адпачываюць гэтым неспакойным летам
Беларусаў папярэдзілі пра візавую пастку пры наведванні Сербіі і Чарнагорыі
У Мінску адкрыўся абноўлены рэстаран на 22-м паверсе гатэля «Беларусь»
Плынь турыстаў з Беларусі ў Тайланд павялічылася больш чым удвая