U turahienctvie raskazali, jak ich uzłamaŭ Čaburaška
Biełaruskija turfirmy papiaredzili pra vypadki machlarstva, kali klijent pad imieniem «Čaburaška» zabraniravaŭ numary ŭ darahim hateli, a potym patrabavaŭ pieraličyć jamu hrošy. Pra heta raskazaŭ Respublikanskamu sajuzu turystyčnaj industryi Jaŭhien Skibunoŭ, dyrektar kampanii «Treviełsoft kansałtynh», jakaja pracuje z CRM-sistemami turfirmaŭ.
Zdymak ilustracyjny. Fota z rasijskaha filma «Čaburaška»
Usio pačałosia z paviedamleńnia turapierataru: «Ja — Čaburaška. Ja vas uzłamaŭ». U sistemie sapraŭdy źjavilisia dźvie broni na imia «Čaburaški» ŭ hateli «Impieryjał». Kab nie dapuścić masavaha braniravańnia darahich numaroŭ, turfirma zabłakavała dostup da svajoj sistemy.
Vyśvietlili, što broni byli zroblenyja praz ulikovy zapis adnaho z turahienctvaŭ, choć u hetym ahienctvie śćviardžali, što takich braniravańniaŭ nie rabili. Ale ŭ vyniku akazałasia, što adzin z klijentaŭ, siadzieŭšy pobač z supracoŭnicaj, zapomniŭ jaje łahin i parol, zapisanyja na stykiery, jaki lažaŭ na manitory. Paśla hetaha jon z domu ŭvajšoŭ u sistemu i zrabiŭ fiktyŭnyja broni.
Bolš za toje, machlar patrabavaŭ pieravieści jamu 6000 rubloŭ u elektronnych hrašach.
Heta prykład taho, što navat biez składanaha ŭzłomu ŭciečka danych moža adbycca z-za zvyčajnaj nieabačlivaści, adznačyŭ Skibunoŭ.
Čytajcie taksama:
Ekśpierty raskazali, dzie biełarusy adpačyvajuć hetym niespakojnym letam
Biełarusaŭ papiaredzili pra vizavuju pastku pry naviedvańni Sierbii i Čarnahoryi
U Minsku adkryŭsia abnoŭleny restaran na 22-m paviersie hatela «Biełaruś»
Płyń turystaŭ ź Biełarusi ŭ Tajłand pavialičyłasia bolš čym udvaja