Відэа з камеры Ціханоўскага, якое паказвалі на фоне чутак пра яго смерць у зняволенні, было старое
У ліпені 2023 года Святлана Ціханоўская, якая тры месяцы ўжо не мела звестак пра мужа, атрымала паведамленне, што Сяргей памёр у турме. На фоне чутак пра смерць Ціханоўскага ўлады выклалі відэа з ім. Цяпер Сяргей пракаментаваў гэта.
Кадр з відэа
На распаўсюджаным відэа схуднелы чалавек, падобны да Ціханоўскага, робіць гімнастыку ў камеры, а затым бярэ міску з супам і сядае за стол есці.
Аказалася, што гэта відэа было знятае раней.
«Пра мяне не было інфармацыі — пачалі падымаць хвалю. І нейкае там відэа выкінулі, дарэчы, сфабрыкаванае і старое, трохгадовае. То бок, гэта была проста качка», — расказаў Сяргей Ціханоўскі ў студыі Delfi.