Videa z kamiery Cichanoŭskaha, jakoje pakazvali na fonie čutak pra jaho śmierć u źniavoleńni, było staroje
U lipieni 2023 hoda Śviatłana Cichanoŭskaja, jakaja try miesiacy ŭžo nie mieła źviestak pra muža, atrymała paviedamleńnie, što Siarhiej pamior u turmie. Na fonie čutak pra śmierć Cichanoŭskaha ŭłady vykłali videa ź im. Ciapier Siarhiej prakamientavaŭ heta.
Kadr ź videa
Na raspaŭsiudžanym videa schudnieły čałaviek, padobny da Cichanoŭskaha, robić himnastyku ŭ kamiery, a zatym biare misku z supam i siadaje za stoł jeści.
Akazałasia, što heta videa było źniataje raniej.
«Pra mianie nie było infarmacyi — pačali padymać chvalu. I niejkaje tam videa vykinuli, darečy, sfabrykavanaje i staroje, trochhadovaje. To bok, heta była prosta kačka», — raskazaŭ Siarhiej Cichanoŭski ŭ studyi Delfi.