Беларусам забаранілі купацца ў сямі месцах

Як паведамляе Рэспубліканскі цэнтр гігіены, эпідэміялогіі і грамадскага здароўя, на гэтым тыдні праверылі больш за 800 проб вады ў месцах адпачынку. Некаторыя з іх не адпавядалі санітарным і мікрабіялагічным нормам, таму было вырашана абмежаваць купанне.

Фота ілюстрацыйнае

Купанне і водны спорт забароненыя:

• на пляжы на рацэ Дняпро ў горадзе Дуброўна (вул. Праваберагавая);
• каля Цэнтра алімпійскага рэзерву ў Жлобіне;
• на пляжы ў аграгарадку Палыкавічы (Магілёўскі раён).

Таксама прыпынена купанне дзяцей і дарослых:

• у парку «Прыдняпроўскі» ў Жлобіне;
• на пляжы «Каскад азёр — 1» (вул. Каменшчыкава, Гомель);
• на пляжы «Прудкоўскі» (цэнтр Гомеля);
• на пляжы «Навабеліцкі» (Навабеліцкі раён, Гомель).

Актуальную інфармацыю пра абмежаванні можна глядзець на спецыяльнай інтэрактыўнай карце.

Каментары да артыкула