У Мінску асобныя пенсіянеры будуць атрымліваць больш грошай

З 3 ліпеня ў Мінску павышаюцца штомесячныя выплаты для асобных катэгорый пенсіянераў. Такое рашэнне было прынята Мінскім гарадскім саветам дэпутатаў і апублікавана на Нацыянальным прававым інтэрнэт-партале.

Фота ілюстрацыйнае

Новыя меры сацыяльнай падтрымкі закранаюць льготныя катэгорыі грамадзян. У прыватнасці:

• ветэраны і інваліды Вялікай Айчыннай вайны, а таксама непрацуючыя інваліды баявых дзеянняў за межамі Беларусі будуць атрымліваць даплату ў памеры дзвюх мінімальных пенсій па ўзросце — гэта ўдвая больш, чым раней;
• сем’і загінулых вайскоўцаў, партызанаў і падпольшчыкаў (ветэраны, інваліды, пажылыя людзі) будуць атрымліваць па адной мінімальнай пенсіі штомесяц — таксама ўдвая больш, чым дагэтуль;
• непрацуючыя бацькі (у асноўным маці, але таксама і бацькі, калі маці няма) загінулых у Афганістане і іншых «гарачых кропках» будуць атрымліваць 150% мінімальнай пенсіі па ўзросце. Выплата не распаўсюджваецца на індывідуальных прадпрымальнікаў.

Акрамя грашовай дапамогі, адзінокія ветэраны ВАВ, якія жывуць у Мінску, змогуць бясплатна карыстацца паслугамі сацыяльнага абслугоўвання дома — у межах усталяваных нарматываў. Гэтая дапамога будзе аказвацца тэрытарыяльнымі цэнтрамі сацыяльнага абслугоўвання.

Каментары да артыкула