U Minsku asobnyja piensijaniery buduć atrymlivać bolš hrošaj

Z 3 lipienia ŭ Minsku pavyšajucca štomiesiačnyja vypłaty dla asobnych katehoryj piensijanieraŭ. Takoje rašeńnie było pryniata Minskim haradskim savietam deputataŭ i apublikavana na Nacyjanalnym pravavym internet-partale.

Fota ilustracyjnaje

Novyja miery sacyjalnaj padtrymki zakranajuć lhotnyja katehoryi hramadzian. U pryvatnaści:

• vieterany i invalidy Vialikaj Ajčynnaj vajny, a taksama niepracujučyja invalidy bajavych dziejańniaŭ za miežami Biełarusi buduć atrymlivać dapłatu ŭ pamiery dźviuch minimalnych piensij pa ŭzroście — heta ŭdvaja bolš, čym raniej;
• siemji zahinułych vajskoŭcaŭ, partyzanaŭ i padpolščykaŭ (vieterany, invalidy, pažyłyja ludzi) buduć atrymlivać pa adnoj minimalnaj piensii štomiesiac — taksama ŭdvaja bolš, čym dahetul;
• niepracujučyja baćki (u asnoŭnym maci, ale taksama i baćki, kali maci niama) zahinułych u Afhanistanie i inšych «haračych kropkach» buduć atrymlivać 150% minimalnaj piensii pa ŭzroście. Vypłata nie raspaŭsiudžvajecca na indyvidualnych pradprymalnikaŭ.

Akramia hrašovaj dapamohi, adzinokija vieterany VAV, jakija žyvuć u Minsku, zmohuć biaspłatna karystacca pasłuhami sacyjalnaha absłuhoŭvańnia doma — u miežach ustalavanych narmatyvaŭ. Hetaja dapamoha budzie akazvacca terytaryjalnymi centrami sacyjalnaha absłuhoŭvańnia.

Kamientary da artykuła