У Магілёве мужчына прадаў чужы мапед, які стаяў на паркоўцы
У Магілёве мужчына прадаў чужы мапед, які быў пакінуты на паркоўцы каля дома. Уладальнік мапеда заўсёды ставіў яго на адно і тое ж месца, але аднаго разу яго там не знайшоў.
Пасля таго, як гаспадар транспартнага сродку звярнуўся ў міліцыю, аказалася, што мапед прададзены чалавекам, які да валодання ім не меў ніякага дачынення.
43-гадовы беспрацоўны магілёвец, пабачыўшы мапед на паркоўцы, патэлефанаваў сябру і прапанаваў прадаць яму яго па нізкай цане. Пры гэтым запэўніў, што мапед належыць яму, а нізкая цана таму, што ён згубіў ад яго ключы.
Купец прапановай зацікавіўся: прыехаў, паглядзеў, заплаціў і забраў Honda Dio сабе. Аднак неўзабавае да яго прыехалі сілавікі.
Па факце крадзяжу завялі крымінальную справу.